袁詠儀神力媽媽單手抱仔

與劉心悠在新片中有不少床上戲的張智霖,為免老婆袁詠儀(靚靚)呷醋,前晚急急「餵」妻,與靚靚帶同五歲多的兒子慕童(魔童)往銅鑼灣歎意大利菜。晚上約九時,張智霖先行步出取車,提到最近有兒童險被綁架,他笑言有記者幫忙並不擔心。未幾,單手抱起囝囝的靚靚由餐廳步出,更笑笑口向記者打招呼,魔童則精靈地四圍擰避鏡頭,但上車後又跟記者揮手拜拜,相當趣致。

靚靚一手抱起囝囝魔童,一手推門。