死忠克勤做咗「明燈」
身為曼聯忠實Fans的歌手李克勤，昨日到大埔運動場出席nowTV歐洲國家盃活動。他表示前晚漏夜睇波，但竟目睹愛隊失分，難怪大為失落：「唔好提喇！有小朋友之後都好少睇深宵直播，多數錄起嚟睇，點知一睇就輸波！睇完都瞓唔着，諗住拎冠軍又未必係，但係可能又贏得番呢！」
對於最近出現拐子佬，克勤表示不少家長也較以往謹慎，並呼籲記者拍得囝囝照片後要打格：「好似日本AV女優咁，遮住嗰兩點（眼睛）！（請保鏢？）請唔起，都唔可以24小時睇住，我亦唔會靠工人。」對於「網絡23條」惹爭議，克勤持中立態度，認為凡事應適可而止，但贊成有適度規管。
克勤強忍輸波之痛，上台邊笑邊唱。
愛隊曼聯僅敗，搞到克勤在後台冇晒心機。