蒙嘉慧嫁硬100分伊健

蒙嘉慧接受電台訪問時表示贊成同居，坦承喜歡黐住男友，並大讚鄭伊健是100分完美情人，更公開宣布視對方為結婚對象！

蒙嘉慧（YoYo）前晚接受盛女Bonnie、人生導師Winnie與DJ林曉峰訪問，討論到同居話題時，與男友鄭伊健拍拖多年兼同居的YoYo贊成先同居後結婚，因能了解彼此的生活習慣，是步入婚姻前的必經之路。

生仔No Way

一向形象硬淨的她竟自認是小女人：「唔好睇我外表堅強，其實我係唔可以一個星期見唔到對方嘅人嚟o架！我希望嘅戀愛狀態係兩個人可以日日見面，日日黐住對方，所以我唔適合遠距離拍拖。（依家另一半係咪結婚對象？）已經遇到啦！」她又稱暫時沒有生BB的打算，因為照顧人很辛苦。

她又自爆17歲便與前男友同居，但由於婆婆來暫住而遭前男友投訴，最後更因意見分歧而分手。問到鄭伊健有否投訴？她笑說：「冇呀！我哋兩個都好好，都冇投訴對方，直頭Perfect！100分。」

而Bonnie與Winnie均於外國讀書時曾與男友同居。問到近日行程排到滿的Bonnie是否起數碼電台飛腳？她解釋：「咁啱撞期啫！我同佢哋冇簽合約o架！」