歌手張偉文昨日出席父親節舉行的演唱會記者會，獲大會送上「靚聲王」牌匾，他自爆上身過重令腰部肌肉萎縮：「2008年開始以為腰痛，睇咗四十個醫生都話冇得醫，舊年遇到個啱嘅醫生，開始做推拿，好番好多，但都要減肥。（演唱會點唱？）可能要坐喺度唱，因為企比行辛苦。」並表示為健康已減去50磅：「上身太重喇！依家都有減。」單身的他大讚黃耀明「出櫃」勇敢：「依家啲人唔同以前，如果畀社會排擠，認都冇好處。」
張偉文努力減肥應付六月開騷。
