時裝夢成真「預咗更嚴厲批評」

碧咸嫂Victoria旋風式訪港，但仍抽空接受本報專訪暢談時裝經！對於今次來港，她坦言十分興奮，並讚香港女性很有潮流觸覺，打扮亦很時尚及有風格。問到曾否想過自家品牌會獲得空前成功？她說：「喺2008年，我冇期望過品牌會咁成功，雖然有夢想過，但依家證明咗係受歡迎嘅！我熱愛時裝，對時裝充滿熱情，有一隊細但好嘅團隊，有今日嘅成績真係好自豪。（你上年喺《British Fashion Awards》獲得『Designer Brand of the Year』，會唔會怕大家對你嘅品牌有更高嘅期望？）我畀自己好大壓力，成日都想做得更好，一定會有人批評我，不論係好定唔好，將來嘅人對我嘅批評亦會愈嚟愈嚴厲。（覺唔覺得設計師生涯好順利？）同其他人一樣，我都要付出努力，唔會有人鋪好條路畀我行！我行嘅路係相對順暢啲，同埋我唔係要好急好快咁去做。」問到如何在工作及家庭中取得平衡？她坦言與現今不少社會女性無異，最重要是識分配時間。