婷婷讚Cool爆顧紀筠分享防腐經

「碧咸嫂」Victoria昨晚出席連卡佛為她而設的酒會谷自家品牌，吸引不少名模與VIP出席，其中周汶錡表示最想知其Keep Fit秘笈：「生完BB都可以咁Fit，想知佢有乜獨門秘笈，今次活動搞到連卡佛封舖，從來未見過！」婷婷則自爆很喜歡碧咸嫂，讚她甚有自信。問到知否對方練習扮Cool？她說：「唔笑好適合佢！好Cool，但好難唔笑，唔信練過。」

另外，朱潔儀分別現身VIP時段及酒會，讚Victoria零架子，還分享時裝經：「佢讚我着紅色衫好睇！我一直都係佢嘅Fans，覺得佢啲衫好有風格，能夠展示女性美。」另一VIP顧紀筠亦有上載合照，自言獲讚年輕：「我問佢有冇諗過佢啲衫連50歲嘅女人都着到？佢話唔信我咁老，點解冇皺紋？我話笑少啲囉！（其實梗唔係）佢話：我都係咁諗！幾搞笑！」

酒會後，Victoria隨即到中國會參加私人晚宴歎中國菜，熊黛林、謝婷婷、鄧愛嘉與楊其龍等均獲邀出席。熊黛林讚碧咸嫂着衫有品味，設計亦十分突出。