阿澤患極罕致命「怪病」

最近大感冒纏身的影星杜汶澤，前日突然出現四肢麻痹、平衡失調徵狀，經醫生診斷患了香港極罕有的「米勒費雪症候群」，隨時四肢癱瘓甚至窒息致命！阿澤煞停工作，損失7位數收入！

杜汶澤（阿澤）1個月前患上大感冒，咳足成個月，依然未見好轉，日前還出現四肢發麻、平衡失調及看物件時出現重影！經過照腦部X光及醫生診症後，證實患上罕有的「米勒費雪症候群」（Ｍiller Fisher），據知該病嚴重的話，患者會出現四肢癱瘓、呼吸衰竭等徵狀，是一種致命的疾病！

血液送美國化驗

阿澤昨日接受電話訪問時，坦言病情麻麻，他聲沙沙地說：「我依家睇嘢重影、四肢麻痹！因為我住獨立屋，上落樓梯都要好小心，醫生都叫我有咩事即刻打畀佢！由於香港好少出現呢個病，所以醫生將我啲血送咗去美國化驗，睇吓嚴重程度，雖然呢個病嚴重嘅話會致命，不過好少去到呢個情況！」

患上這種罕有病，阿澤暫時不能工作，包括原定前晚出發到烏甸尼斯電影節之行程：「我套《懸紅》同埋《低俗喜劇》入圍烏甸尼斯電影節，我真係好想去，不過依家真係冇辦法啦！」他揚言該病最快應該可以兩周痊愈，最壞則需半年，他笑言只要抱着樂觀的心態便可：「醫生建議我多啲打坐調和身心，應該可以好快康復嘅！」

推Job損失7位數

圈中好友薛凱琪及江若琳等均十分擔心，不時致電問候及尋求療法，令阿澤十分感動！而阿澤的經理人霍汶希（Mani）擔心之餘，更即時為他作出工作調動，把這兩個月工作全部推掉，損失約7位數字！對於因病損失金錢，阿澤坦言不重要，反而最麻煩是影響了新片《超級經理人》的選角：「原定5月去北京舞蹈學院搵新演員，因為新戲諗住搵新人，仲已經安排好晒，依家去唔到真係幾頭痛，惟有再諗辦法啦！」