無綫咪神高海寧及陳倩揚昨日出席母親節活動，高海寧在台上突然哽咽，原來近日與母親有爭執：「媽咪已經冇睬我兩日！我知佢想我好，不過忠言逆耳囉！（點氹番佢？）我會同佢講對唔住，不過呢兩日好難受，大家諗法有出入，我都25歲，不過佢同爹哋都仲有啲保護我！我同媽咪性格相似，大家硬碰硬，平時爹哋會調停，點知今次連佢都唔幫我！（反對你拍拖？）依家專心工作！（冇返屋企瞓？）我日日返屋企瞓，冇呢啲嘢！」至於陳倩揚將首度與10個月大的兒子過母親節。
高海寧提起媽咪即哽咽，看得出母女情深！
