CoCo唔怕尷尬踩入無綫
周秀娜師妹袁聖殷（CoCo）早前有傳與「巨聲幫」大孖周志文及無綫小花馬賽陷入三角戀，鬧到滿城風雨！日前CoCo與拍檔韋彤到無綫「踩場」，期間二人有講有笑，心情似乎未有受情傷影響，逗留個多小時之後才離開！
對於被指「踩場」？CoCo即澄清︰「今次係嚟傾工作，而且今日我同韋彤有新歌派台，所以先嚟無綫，其他事唔講！」據知她與無綫洽談歌手及藝員合約，而她亦未有否認︰「以前我喺澳洲成日睇TVB，當然想日日上《獎門人》同拍劇啦！（見到周志文同馬賽會唔會尷尬？）我從來冇尷尬過，佢哋仲尷尬過我啦！依家心情就好似近排嘅天氣咁，時好時壞囉！」
CoCo（左）與韋彤踩入無綫，好戲在後頭喎！