Lisa坦承分手
陳司翰再拖女斷正，記者昨日致電Lisa，她說：「為咗搞清楚關係，我係同佢拍過拖，不過已經分咗手。」問到是否主動提出分手？她說：「都唔係。（男方提出？）唔想講。（你仲好傷心？）好彩有工作，唔會胡思亂想，我同佢關係已告一段落，唔想再回應佢啲嘢！我哋已經冇聯絡。」問到分手原因是否Victor經常偷食？她說：「我冇咁講過，總之好多原因。（你情傷，但佢就好開心拖女？）咁佢出嚟玩梗係開心啦！」問到日後會否找個專一男友？她說：「女仔當然想搵個專一嘅男友啦！」
此外，日前晚上9時半，Lisa約友人到銅鑼灣行街解悶，只見她心情輕鬆，跟友人有說有笑。其後兩人步行到附近街頭取車，上車後，Lisa即拿出化妝袋，邊跟友人聊天邊補妝。其後，Lisa驅車前往大坑，接載另一位女友人，然後再返回銅鑼灣醫肚。
Victor與Lisa早前還恩愛地結伴出席莊思華的生日派對。（資料圖片）
Lisa（右）約女友人行街，心情輕鬆。