劉謙送飛李蘊闔家捧場

台灣魔術師劉謙來港開騷,緋聞女友李蘊前晚靜雞雞帶父母和弟弟捧場!據知今次是劉謙送飛,並安排李蘊坐前十行靚位,他還有意無意地望向女友位置,但請觀眾上台時卻冇預女友,並跟男觀眾說:「回憶起你前世係我女友。」結果被對方寸:「你女友係李蘊!」全場爆笑!

李蘊睇足全場,完騷後帶細佬入後台找劉謙合照,受訪時大方站在劉謙海報前豎起手指公影相,吸引不少觀眾拉她合照。她大讚劉謙表現完美無瑕:「Part Part都鍾意。(好冧?)朋友關係,唔好講到我哋拍拖,佢玩魔術冧到好多女性朋友。」問到是否帶父母捧未來女婿場?她說:「唔好咁講!」而李蘊弟弟亦豎手指公,問到未來姐夫是否好叻?李蘊即搶答:「唔好問我細佬,唔識答。」

李蘊走到海報前,大方與「劉謙」合照。

李蘊帶弟弟及父母捧場,弟弟大讚劉謙。

李蘊父母