阿澤領悟快樂真諦，另一功臣是王晶教他要「搵明星嘅價錢，使助手嘅支出」，他聽罷隨即搬往較鄉郊地方及改揸慳油車，過着「打工仔」的生活，他說：「真係好開心，我依家壓力細到可以想做乜都得，可以去拍啲想拍嘅戲，做自己喜歡嘅事！」
提到加入英皇，阿澤很感激老闆楊受成：「香港人好跟風，當年冇人願意用我，一沉百踩，但楊生喺嗰時向我招手，願意喺我低潮時支持我、鼓勵我，令我嘅經濟得以解困，令外界對我有番信心！」
陷低潮的阿澤（左）遇上「救星」楊受成，令他重新振作。
