鍾舒漫透露2005年與英皇簽下15年長約，她笑說：「喺呢度好有歸屬感，呢世都唔走。（公司會睇住你嫁？）係呀！雖然未有拖拍，但希望唔好太耐！」同場的杜汶澤剛與英皇續約，笑言準備做到退休：「喺英皇事業好咗，舊年拍咗8部戲，好滿意！」問到有否加人工，他笑說：「公司出糧直接過戶畀我老婆！」他笑言曾向老婆田蕊妮查詢有多少身家，對方回答：「都唔關你事，不過有8位數。」
鍾舒漫（右）與泳兒合唱助興。
