謝霆鋒封盤 祖兒A至Z君任揀

謝霆鋒、容祖兒、蔡卓妍、林峯及古巨基等昨日齊集《英皇集團70周年慶典啟動禮》,現時單身的一哥、一姐霆鋒及祖兒堪稱鑽石級筍盤,但霆鋒甘願繼續做盛男,而祖兒則自爆追求者由A至Z數唔晒,擺明皇帝女唔憂嫁!

英皇集團主席楊受成昨日偕太太陸小曼主持《英皇集團70周年慶典啟動禮》,旗下藝人謝霆鋒、容祖兒、古巨基、蔡卓妍及林峯等,分別乘坐多部價值逾百萬元的名車出場,排場十足!一哥、一姐霆鋒及祖兒全程傍實老闆,地位超然,而剛於年初加盟的鄭嘉穎及鍾欣桐則因工作關係缺席。

英皇捐千萬行善

楊受成與太太主持啟動儀式後,宣布英皇捐出1千萬港元予慈善機構,其後霆鋒與祖兒分別接受訪問。談及最近的「盛女」熱話,霆鋒與祖兒堪稱「鑽石級」盛王、盛后,其中傳被內地女星楊冪主動敲房門的霆鋒再度否認其事,並揚言未有想過找女友:「做嘢先,冇人埋身,我係悶人!」向來是工作狂的他,密謀將旗下公司「PO朝霆」上市:「考慮中,聽傳聞話喺創業板上市,但我有計劃嘅就想喺主板上。(教兩個仔做生意?)提議幾好,細仔(Quintus)好啲,冇哥哥(Lucas)咁調皮。」

叫霍汶希做媒人

至於早前揚言有意參加星級版《盛女愛作戰》的祖兒,則自爆追求者一籮籮:「數到Z呀!我樣貌端正,性格唔岩巉,身材Fit添啦!唔擔心咁多,如果有個擔心樣會唔好睇。」她笑言愛情只是調劑生活的甜品,而媽咪雖未有安排相睇,但曾叫經理人霍汶希為她介紹筍盤:「其實有排都未到我,我唔係第一名,阿嬌都冇拖拍,點解佢唔係,我係?」

第一手消息請下載on.cc東方互動iPhone/iPad/Android/Windows Phone Apps

專案組

霆鋒自嘲是個悶人,故沒有異性埋身,而他亦暫無意拍拖。

自誇大把人追的祖兒唔憂嫁,視愛情為調劑生活的甜品!

地位超然的容祖兒(中),伴着英皇的行政人員坐名車登場。

祖兒與基仔以手勢祝賀公司成立70周年,笑得非常燦爛。

楊受成(右二)與太太陸小曼等主持啟動禮。