近日有男子自稱有大量Lady GaGa演唱會門票，並涉嫌四出兜售騙財，已被警方拘捕，周秀娜男友陳偉成（Avis）亦慘被騙2萬元，在Facebook大吐苦水：「我就是那被騙三波友之一，被騙了兩萬元！」Avis接受電話訪問時大呻很慘：「一心買飛請屋企人同女朋友睇，點知被呃錢！嗰個人係我波友，見佢打扮咁富貴以為冇事，真係遇人不淑！如果警方要我幫手都會去！」問到娜姐知否他被騙？Avis說：「佢飛咗呀！畀佢知實笑死我！」
Avis笑言若受騙一事被娜姐知道，會被笑死。
