阿峯勁受落：我都心動
鍾嘉欣與林峯（阿峯）因合作無綫劇集《溏心風暴》及《溏心風暴之家好月圓》傳出緋聞，他們被無綫塑造為螢幕金童玉女，嘉欣坦言曾對林峯有一刻心動，林峯聞言亦大為受落：「我都係一樣！有呢個表現好正常，畀我都會心動，因為拍《溏心風暴》時，我哋個角色好受觀眾歡迎，相當成功！對我哋嚟講，呢套係電視代表作，尤其係第1集，感情線拍得最多，我哋返到公司好似日日拍拖咁！」既然不約而同有一刻心動，但為何最終未能撻着？林峯說：「嗰時入戲嘛！入完戲就要抽離角色，或者遲啲大家有機會再合作，到時再入過戲！」