鄭中基公開拖老婆

不少圈中夫妻檔拍檔行紅地氈，拖手大晒恩愛，鄭中基與老婆余思敏情侶裝、郭藹明公開向老公劉青雲示愛，甄子丹攬着老婆汪詩詩纖腰。司儀之一的鄭中基首度公開拖實老婆余思敏，其頭髮染了一小撮藍色與老婆裙子襯絕，他說：「係襯番煲呔同腰封。（叫囡囡睇你哋上電視？）佢咁細未識睇，細路女話瞓就瞓。（第一次公開拖手？）我哋成日出雙入對去街，冇畀人影到，不過公開場合就第一次，以後會拖多啲！」而青雲憑兩片角逐影帝，老婆郭藹明力撐說：「我兩部都鍾意，因為佢喺兩部戲個角色反差好大。」然後她公開向老公講兩兩次「Love you」示愛，羨煞旁人。

劉嘉玲佩戴總值一億港元的卡地亞首飾出席，手上巨型戒指，閃爆全場。嘉玲穿Gucci晚裝超Deep V「胸」降。記者問偉仔，如果嘉玲攞獎如何慶祝？嘉玲即搶答：「有獎已經係獎勵。」嘉玲曾稱偉仔缺席撐場她便得影后，偉仔尷尬地說：「所以我好驚。」但嘉玲甜絲絲地指住偉仔說：「呢個咪係獎囉！」