蘇杏璇缺席奪女配 鵬哥捱出綠葉王
最佳男女配角分別由《奪命金》的盧海鵬及蘇杏璇奪得，後者因病缺席，由同片的劉青雲代領。她透過電話答謝杜琪峯導演，而接受本報電話祝賀時透露，因患糖尿病需留院：「由年初三開始入院，都兩個幾月喇！就快好番，多謝關心！」而盧海鵬首度提名即攞獎，他不忘搞Gag：「捱咗咁多年，從來冇諗過攞獎，真係所謂『盧海鵬試咪，能夠捱咁多年，捱到個獎咁威！』多謝屋企人，佢哋全部都鍾意睇我做戲！」隨後志偉笑說：「好多人唔知『盧海鵬試咪』點解，同佢合作過就知，所以啲人唔敢叫佢試咪，因為『×你老母×』咩！」全場爆笑。
台星蕭敬騰憑曾寶儀出品的《殺手歐陽盆栽》奪最佳新演員，他先用半鹹淡廣東話說出自己名字，再感謝評委，並表示希望能跟不同導演合作。
盧海鵬與蘇杏璇一同憑《奪命金》得獎。
蕭敬騰參演港產片，一擊即中捧走新演員獎。