家蔚湊狗學湊仔

結婚生仔乃人生大事，豈可兒戲？自從成為人妻後，周家蔚不再小朋友，肩負照顧大唔透洪天明的重責；自從有了小朋友，谷祖琳戒掉惡習，調整身心準備做個稱職媽咪。要知道一紙婚書是一個承諾，一張出世紙是一份責任，她們必須認真，不認真你就輸了！

上月21日周家蔚與拍拖多年的洪天明簽婚書訂終身，正式嫁入洪家，由天明女朋友升呢老婆，那份喜悅她實在難以形容。提到剛成人妻，她流露幸福表情︰「依家個感覺好實在、好開心，以前未結婚我有時都會叫佢『老公』，但婚後咁叫佢感覺好特別。」

踏入人生另一階段，身為洪太的她責任變得更大，她不再像從前的那個小孩只是依賴，反而反客為主照顧老公及整個洪家，也許就是這位新紮洪太現在肩負的重任。家蔚說︰「責任大咗，依家要照顧老公生活細節，你都知男人有時幾『呢啡』。」

大嫂唔易做

身為洪家大嫂，家蔚掌握家中大權，除要照顧洪家大少外，天明兄弟姊妹亦是她的管轄範圍，同樣需要她，她說︰「因為我係大嫂，所以我有責任去照顧天明嘅兄弟姊妹，而天明妹妹喺我哋屋企住，所以我會睇住佢。」但師奶唔易做，別說家中家頭細務，照顧別人對家蔚來說亦相當困難，她說︰「我係家中獨女，自己冇兄弟姊妹，由細到大都冇照顧過人，所以要依家學起。」

有說「男主外女主內」，天明希望她不再拋頭露面留在家，但家蔚卻享受工作帶來的樂趣︰「我結婚後繼續做嘢，雖然天明有叫我唔好做，但我會覺得一路做嘢開心啲，又可以同唔同人傾吓偈冇咁悶，所以遲啲我都會拍劇，當然如果有小朋友可能會再調節。」即使兩公婆婚後各有各忙搵銀，見面機會未因結婚而特別調整，但家蔚直言兩人已屬老夫老妻，她說︰「我哋已經慣咗，因為以前都係咁，況且依家科技先進，有WhatsApp、有電話，就算大家因為做嘢唔係成日見，都可以聯絡。」

盡快生四個

家蔚婚後耳邊總是造人話題，而喜歡小朋友的她與天明對生兒育女早有共識，她說：「點都會生小朋友，只係遲早問題，而且我們都做咗身體檢查，知道身體冇問題，依家就準備好生兒育女。」談到生仔，家蔚滔滔不絕，還透露想生夠四個，她笑說：「生小朋友我會趁快，不過真係唔知幾耐先有！我想生四個，但天明話太多喇！」

雖然家蔚和天明造人還未成功，但湊小孩屬一門高深學問，而她亦坦言教仔難，故她早已以湊狗來實習如何做個好母親，她說：「小朋友愈多愈難教，好似狗一樣，有唔同性格，要花時間去照顧，所以我覺得照顧屋企嗰5隻狗，可以體會照顧小朋友的心情。」

後記：請食豬！

訪問當日，未知周家蔚是否事前太忙未有食物落肚，拍完照後，她突然拿着一碟乳豬「面珠墩」食得很滋味，見小記呆着望她，她即說︰「頭先做美容院剪綵見到有乳豬，即刻叫個師傅留個面珠畀我，好好食㗎！你哋一齊食啦！」小記淺嘗一塊，果真美味！