離巢馬浚偉新劇收得 無綫零反應

不再是無綫演員及監製的馬浚偉和梅小青，其劇集《當旺爸爸》結局前晚播映，收視理想，卻遭無綫冷待，小青自掏腰包搞慶功宴，並率領馬浚偉等演員出席。

無綫一向厚待收視好的劇集演員，惟前晚《當》劇大結局，播映以來雖收視理想，但因男主角馬浚偉及監製梅小青已非無綫人，故無綫全無反應，小青只好自掏腰包設宴三席，請台前幕後慶功。除了身在加拿大的「親生女」鍾嘉欣外，其他演員如麥長青及胡定欣等紛紛撐場。小青獲演員擁抱後感動落淚，而離巢的馬浚偉取笑夏雨：「你係無綫人！無綫對付你？樂小姐搵你傾偈？」夏雨笑說：「唔怕！我Delete咗你同梅小青電話以示清白！」

馬浚偉表示原本前晚要在深圳傾工作，為了出席飯局，不惜改在香港傾工作：「同小青並肩作戰幾次，今次係第三次，第一次《非常保鏢》打《還珠格格》、《洛神》打《世界盃》，今次就打復活節『炮灰期』，三次勝仗好難得！我唔係無綫人，期望出去闖之後仲可以同小青姐合作。」

胡定欣趕返港慶功

同劇演員胡定欣於內地工作返港，對於能趕及參與慶功飯局大感開心：「今次係同小青姐第二次合作，我都有幸喺佢離開無綫之前拍到佢嘅劇。呢個圈係圓嘅，唔排除將來仲有合作機會。」