昨日59歲牛一的曾志偉，與好友到其觀塘辦公室舉行校服派對。壽星公笑言自己以校監身份出席：「我係『曾煲呔』，出年60嘞！所以今年係最後一年玩『年青嘢』！（生日願望？）想出年成立慈善基金。」經常「不醉無歸」的他，不擔心影響今晚金像獎表現：「總之有乜咪交畀個女囉！」
剛度蜜月返港的周家蔚及洪天明拍拖到場，向志偉送上熱情擁抱，而大肚的文頌嫻亦畀面到場，謝天華則與太太十指緊扣現身。至於與志偉私交甚篤的鄧兆尊以校工打扮現身，志偉抵死說：「佢專執埋啲女人胸圍底褲！」
天明與家蔚夫妻檔為志偉賀壽。
大肚的文頌嫻（左）由關寶慧「護送」到場。
