諸葛紫岐買Under氹老公

名模諸葛紫岐（Marie）透露，喜歡與老公Neway二太子薛嘉麟穿情侶裝逛街，更冧爆表示老公曾為她穿其最愛的麵包超人Tee，她表示有買內衣褲給老公，但老公卻沒有「回禮」。

諸葛紫岐（Marie）與無綫藝員魏焌皓昨日為鞋履品牌ECCO活動擔任嘉賓，Marie透露平時會送鞋給老公和老爺奶奶，問到可會擔心送鞋不吉利？她說：「唔會，人哋話畀番一蚊我就OK，佢哋都OK o架，唔會忌諱。」她自言是個很乖的新抱，會不時送小禮物氹老爺奶奶。Marie又表示很喜歡跟老公Neway二太子薛嘉麟穿情侶鞋或情侶裝去街：「可能佢好鍾意着情侶裝，不過之前冇人叫過佢着，得我叫佢，呢啲咪就係夾囉！我會買公仔Tee畀佢着，試過一次唔喺香港，我同老公都着住麵包超人Tee，佢嗰隻好大隻，我就係細隻嘅，行街時畀人指住話好得意。（佢有冇好尷尬？）冇喎，佢仲覺得自己好英。」

魏焌皓唔驚傳緋聞

她透露老公很喜歡穿粉紅色衣服，但因她不喜歡男人穿粉紅色而不再着，她說：「佢覺得我靚，信得過我嘅Taste，佢畀咗啲粉紅色衫工人着。（佢有冇試過犯禁？）佢未試過。佢好尊重我，都唔想我唔開心。（你會唔會好野蠻？）唔會，我好講道理。」她又表示也有買內衣褲給老公，不過老公卻沒有送過性感內衣給她。

同場的無綫藝員魏焌皓表示目前沒有拍拖，而擇偶條件是對方性格跟他合得來。問到會否擔心與公司女同事傳緋聞？他坦言會跟女同事保持距離，故毫不擔心。