Cara G.叫未婚夫Shut Up
混血名模Cara G.與男友Jesper上月在菲律賓訂婚，令她畢生難忘，Cara表示事前全不知情：「出發嗰朝，佢晨早叫醒我，同我講我哋依家去菲律賓旅行，仲執定行李等我。」他倆在當地逗留四日，並在無人的小島露營，更赤裸身體感受大自然，Cara說：「我哋游游吓水見到日落，真係好靚！就喺呢個時候，Jesper竟然向我求婚，問我願唔願意嫁畀佢，當時氣氛好浪漫，但我見佢都冇準備戒指，以為佢只係講笑，我就話『Shut Up！你係咪呃我㗎咋！你都唔係講真嘅。』後來，我哋瞓喺沙灘上休息時，佢再同我講，佢係認真，我先Say Yes。」Cara打算明年五月嫁給Jesper，婚後隨時Ready生BB。
男友求婚送驚喜，想不到Cara G.竟大叫Shut Up。