梁思浩送Cammi上路
梁思浩和岑寶兒（阿夢）昨日出席有線全新一輯《怪談》宣傳活動，o靚模謝芷蕙（Cammi）穿上壽衣前來，十分應景！現場即席將原本掛着的Cammi「車頭相」換上思浩的「車頭相」，代表主持的交接儀式。大會更準備了紙紮祭品給Cammi，思浩笑言是送Cammi上路！問到Cammi做主持的表現？思浩說：「畀多啲時間佢，嗰次（Cammi畀觀眾鬧爆）問題不在佢，當時有其他主持同佢一齊，如果另外一個反應快啲兜得到，佢就唔使畀人鬧得咁甘！」至於本月3日才約滿無綫的阿夢，現有王維基合約在身，但仍幫有線主持節目，連思浩也說她是打破一台壟斷的先鋒。而快將推出寫真集的Cammi表示會去馬來西亞取景：「我亦都會寫一啲自己嘢落去。」
Cammi（左）與梁思浩互換「車頭相」，代表主持的交接儀式。