「講唔猿」寸鎅仔暗認帶頭杯葛

「神獸天使」Gemma與Apple為爭仔而遭其餘天使杯葛，監製錢國偉看在眼裏卻未能制止，他昨日在電話中說：「『神獸』係冇之前『美味天使』咁團結，『美味』到今時今日都仲會約埋一齊出嚟食飯，但《神》就唔會！（其他天使杯葛Gemma同Apple為爭仔博上位？）我唔清楚……咁金剛單身嘛，唔通追有老婆嗰啲洪天明、錢嘉樂咩！但佢兩個女仔去消夜都有編定座位！（金剛左右邊？）多數啦！」

至於天使「講唔猿」白雲率眾天使杯葛兩女爭仔一事，她昨未有正面回應，但暗指兩女為爭仔冇做好天使本分：「大家好投契，只係有啲私下活動未必個個就到時間而出席，所以先唔齊人，我冇話杯葛邊個！（Apple爭仔博上位？）我同Apple都熟，我唔知佢係咪真係同金剛拍拖，如果真係鍾意就冇所謂，但我都係覺得做好天使本分先！」另一天使中最冇殺傷力的19歲「珍豬仔」黃梓柔，最近成為網上「宅男新寵」，因愛她最嫩口又夠真。