蔡慧欣陳芷尤爭食金剛

無綫新進主持金剛，繼自爆對節目拍檔「神獸天使」蔡慧欣有好感後，最近另一神獸天使陳芷尤急起直「追」，兩人爭仔更爭到出面，惹來其他神獸天使不滿而被杯葛。

無綫主持金剛在節目《五覺大戰》中，終日與八位神獸天使出雙入對，憑着搞鬼性格，加上另外兩位主持錢嘉樂及洪天明早已名草有主，令他頓時成為部分天使眼中的「（電視）城中筍盤」！繼早前自爆對擁有驕人上圍的「騰騰雞」蔡慧欣（Gemma）有好感後，金剛最近獲得「蛇蛇Gwer」陳芷尤（Apple）垂青，兩女不惜爭仔內訌！

消夜左右逢源

據悉，Apple雖然遲起步，但憑着「女追男，隔層紗」的微妙作用，近日已成功在《五覺》消夜團中，進佔金剛身邊，與Gemma平分秋色！兩人一左一右夾實金剛而坐，享受餵食與被餵食的樂趣，可憐金剛左右開弓，忙亂中多次餵錯，將Gemma的「賣飛佛」餸菜餵給Apple！雖然如此，但三人卻樂此不疲，同枱食飯的其餘六位天使則十分不屑有人藉此博出位，遂杯葛兩人！其中「講唔猿」白雲向監製講明，私下活動拒絕與Gemma及Apple同場，費事眼冤。

記者昨日向金剛求證，問到是否左右逢源，他說：「我有咁犀利，都要讚佢兩個咁識欣賞我，我靚仔嘛！（你對佢哋好細心？）都係o架！見佢哋忙會買嘢畀佢哋食。（二揀一點揀？）Gemma蠢蠢哋，Apple就醒目，好難揀。（兩個要晒？）開心o架！因為太難揀！（消夜團佢兩個夾實你坐？）咁啱一齊坐啫！」

Gemma對於遇着「蛇蛇Gwer」這個「程咬金」，她不欲多談，免益對方上位：「Apple係小三？我冇咩感覺，唔知呀！」而至截稿，Apple尚未就爭仔事件回覆。不過，一班神獸天使都十分「好戲」，日前到沙灘拍專輯時表現融洽，將「面和心不和」發揮得淋漓盡致！

「騰騰雞」蔡慧欣

年齡：21歲

三圍：32D、23、34.5

必殺技：自小在英國長大，擁有鬼妹仔性格。

「蛇蛇Gwer」陳芷尤

年齡：23歲

三圍：34C、24、34

必殺技：形象斯文乖巧，卻自認大膽。