諸葛紫岐豪擲20萬進補

新婚不久的名模諸葛紫岐走出小產陰霾，急不及待為薛家繼後香燈，昨日她現身中環，豪擲二十萬元買人參進補兼睇中醫調理身體，實行為生仔做好準備。

諸葛紫岐（Marie）昨日身穿黑色上衣及戴上黑超，在助手陪同下到中環一間中藥店掃補品。Marie甫進店內便直接走到擺放人參的櫃位，只見她非常內行，不消幾分鐘便看中一種名為「長白山種抄參」的人參，每両價值3,750港元。

Marie問了店員不少問題，對方一一詳細解釋，最後她毫不猶豫便購買，連同燕窩、花膠及湯包等合共花了近二十萬元，認真豪氣！其後，Marie進入其中一間房，由女中醫師為她睇症，十分鐘後才出來，與助手乘七人車離開。

出碟爭食　

另外，Marie的「妯娌」陳法拉昨日出席活動時，被問到Marie早前暗示她未有送結婚禮物，法拉說：「又講呢個話題，結婚嗰日都講咗，唔再講。（你有送禮？）係！（你有冇唔開心？）唔想再講！（唔想講佢？）唔係，工作還工作。」她又透露計劃暑假出唱片，有指Marie亦會跟風，問到會否擔心競爭，法拉笑說：「樂壇好多對手，係良性競爭。（你出碟會唔會送隻畀Marie？）會，我會買好多，周圍送。」

而記者再就法拉堅持有送新婚禮物一事致電諸葛紫岐，她大方地說：「過去咗唔再講，最緊要大家開心就得，唔想搞八卦新聞！（你係咪準備出碟？）遲啲話你知！」