舊愛護數：陳浩民讚硬淨過男人

身為阿佘入行後首位男友的陳浩民已娶妻生女，家庭幸福，但仍為遭冠「姣」名的舊愛平反：「學周星馳講句，係俗世對佢誤解！話佢係『姣佘』？我哋兩個都係受害者，阿佘喺我心目中絕對係義氣仔女，甚至係女英雄！（咁嚴重？）我見過佢撞車破相傷下巴都唔嗌痛，男人都未必得啦！」對於正在等愛的阿佘，浩民希望她盡快覓得真愛，並叮囑阿佘：「事業心強係好，但女人都要有愛情嘅平衡！」

阿佘再見亦是朋友

阿佘與浩民相戀多年，雖然未能開花結果，但阿佘仍給予舊愛不俗評價。近日阿佘像浩民般北上發展，有指她放棄乘坐劇組安排的保母車，反而着浩民包車接她出入？阿佘哈哈大笑說：「我自己都有車啦！等我話番畀佢知先，問佢點解唔包架車畀我呀！」

對於舊愛終於成家立室，還有個可愛女兒，阿佘感到高興，有指她硬要當陳浩民女兒契媽？阿佘沒好氣的說：「唔知點解佢哋咁講，大家都仲係Friend，但唔會成日聯絡啫!人哋有老婆同小朋友，又要拍嘢都忙，久唔久一句問候當然有，喺出面見到都會坐低傾兩句，話冇都難啦！尤其佢咁鍾意出嚟Social。」