朱慧敏煲靚湯俘虜姚子羚
藝人平日等埋位期間最愛自拍合照留念，再放上微博跟粉絲分享，就算有時逛街睇戲食飯，都不會錯過合照互Chok一番！
正所謂「三個女人一個墟」，無綫藝員朱慧敏、陳芷菁及姚子羚拍攝飲食節目《靚人靚湯》時寓工作於娛樂，就算熄機後仍雞啄唔斷。她們邊食邊傾，陳芷菁表示工作之餘又可以飲茶，多快樂！
作為嘉賓的朱慧敏亦表示，跟兩位漂亮的主持人聊得很開心，三個女人一行埋就講煲湯心得。原來朱慧敏是煲湯能手，經常鑽研煲藥材湯的技巧，陳芷菁及姚子羚很想一試她的手勢，眼見三人在微博聊得興起，「路過」的鄧梓峰亦忍不住搭嘴：「三位美人，我想來埋單呀！」