高志森挺梁實幹 揭多名選委轉軚

演藝界有不少「挺梁」人士，直言一開始已支持CY的藝術文化界選委高志森透露，他代表的功能組別本有6人挺唐，但昨日投票時一致支持CY，對於有港人擔心CY採取鐵腕政策，他說：「香港人乜都驚定先，冇理由擔心啲假設性嘅嘢，畀啲時間去睇啦！對家（指唐英年）起初以為自己贏梗，佢啲助選團公關手腕又差，反而CY真係落手落腳去做。」

至於身在台灣的黃秋生，已透過友人恭喜CY，對於有指CY曾發表防暴隊言論及打壓電台續牌之說，他說：「有證據咩？冇證據又攞嚟指控，好恐怖喎！我有同CY傾過成立文化局嘅事，佢都好認同。（幫佢手？）香港咁多奇人異士，點輪到我？交流吓意見啫！」他亦不認同CY在「三低」情況下當選：「當年董建華票數夠高啦！有用咩？」

而一度擔心流選的肥媽，認為應有證據才能對CY提出指控：「我係師奶仔，淨係關心人工同物價啫！CY來自基層，應該較另外嗰位更了解基層感受。」

高志森與肥媽支持梁振英當選。