唐唐眼濕濕 星爺冇安慰

第4屆行政長官選舉昨日塵埃落定，梁振英擊敗唐英年當選下任特首。對於唐唐落敗眼濕濕，與他分屬好友的周星馳表示不需要安慰，而譚詠麟則睇好梁振英，還勸港人不用移民！

梁振英（CY）在昨日舉行的第4屆行政長官選舉中擊敗唐英年，成為下任特首，多位演藝界選委對結果各有回應。曾力撐唐唐並稱「我唔同蠢人做朋友」及「選特首啫！又唔係選男朋友」的周星馳，大方接受選舉結果，並希望CY支持演藝界，與演藝人開會討論，他說：「佢要為演藝界做多啲嘢。（點睇CY？）要畀多啲時間睇，要客觀啲。」他強調投票純粹個人意願，是留意過三名候選者的政綱才下決定，沒有受任何人施壓，但他堅拒透露投了誰人一票：「恕我唔能夠喺度同你講。」對於唐唐落敗眼濕濕，與他分屬好友的星爺表示不需要安慰他：「之前佢都講過要平常心面對。（支持2017年普選？）支持！」

至於曾批評唐唐「智方面弱咗啲」的譚詠麟（阿倫），昨日在新碟簽名會上拒絕透露選了誰：「之前心中已有決定。（投畀邊個？）唔講喇！大家唔好猜測，未來香港需要正能量！」問到對結果有何睇法，他說：「OK嘅，梁振英好硬淨，香港局勢呢輪好混亂，需要強勢政府。（好多人驚太強勢？）要慢慢嚟，傳媒有監察力，選完又唔係唔使做，有人餵食飯都要開口！」

促拉近貧富懸殊

阿倫期望CY落實方案，拉近貧富懸殊，並勉勵港人自強。他還透露曾志偉曾與CY見面：「志偉話梁振英會有計劃，佢覺得（梁振英）都OK。」問到演藝界的投票決定是否一致，他說：「冇人討論過，亦冇人打畀我，冇人向我施壓，就算有壓力都受得起。」對於有網友戲言要移民往瓦努阿圖，阿倫反問哪裏是瓦努阿圖，然後笑說：「拜拜！要走嘅就走，覺得唔安心就走，香港係一個樂土，如果走就係錯！」

黃百鳴承認轉軚

至於本屬「挺唐派」的黃百鳴昨日轉軚支持CY，並直認缺席昨晨的演藝界早餐聚會：「我早期係撐唐英年，因為佢對電影界爭取過啲嘢，但之後發生好多事，睇埋之後嘅整體表現，梁振英勝過好多對手！（冇去早餐聚會？）純屬個人決定，唔想交流意見。」而徐小明亦拒絕透露投誰一票，但對CY充滿期望；影協會長洪祖星亦保密投票人選，並有共識「會話支持贏嗰個」，他不擔心CY上場後會打擊演藝界。