鄧紫棋全身上電靠「三寶」
歌手鄧紫棋（G.E.M.）人仔細細，但原來隨身攜帶多樣法寶，包括暖壺、眼藥水及喉嚨噴霧，她說：「呢三樣嘢都幫到我好多，係我嘅法寶！因為有時眼瞓，只要一滴眼藥水就會成個人醒晒！有時唱歌唱好耐，就會噴喉嚨噴霧紓緩吓！」
有「小巨肺」之稱的G.E.M.特別注重喉嚨，當數到個人至愛時，她表示非暖壼莫屬：「雖然暖壺外形平平無奇，但其實好有用！好似我咁，每日都會沖一壺飲品放喺身，我屋企有隻蜜糖係有治療功效，我通常都會加埋薑茶一齊沖，咁我每日都可以飲到對把聲好嘅愛心飲品喇，尤其係熱飲對把聲會好啲！」
