G.E.M.高音失聲驚被唱衰

歌手鄧紫棋（G.E.M.）前晚抱恙在音樂會中獻唱7首超高音歌曲，可惜唱到高音時失聲，老貓燒鬚，最後更爛聲收場，難怪她叮囑歌迷別把其失準片段放上網。

本地薑G.E.M.、台灣歌手唐禹哲、盧廣仲及日本歌手JASMINE與陽光直人前晚演出《ASIA MUSIC CONNECTION 2012》音樂會，壓軸出場的G.E.M.近日忙於四出宣傳，加上氣溫急降而患感冒，她甫出場即透露失聲，但仍堅持唱出《A.I.N.Y.》及《Where Did U Go》等7首超高音歌，惟唱到高音時失聲，她說：「尋晚失聲，綵排唱唔到高音位！即刻睇醫生食藥，希望大家唔好話我唱歌好渣，同埋唔好將片段擺上網！」

另外，早前為亞視報天氣的她昨日出席亞視活動：「第二次同亞視合作。（唔怕被無綫棄用？）唔怕，經理人同TVB傾緊合作。」

陽光直人扮林峯

而在音樂會中打頭陣的唐禹哲獻唱鄭伊健金曲《甘心替代你》時說：「唱得不標準不要笑我！」而陽光直人以廣東話跟歌迷打招呼，並獻唱《小明上廣州》，又扮林峯擺出Chok樣，但將「Chok唔Chok」講成「俗唔俗」，相當搞笑。