JM大吉利是跪求復活

電影《大追捕》票房報捷，女主角文詠珊（Janice Man）十分興奮，但「投訴」近期拍電影都以死收場，笑言希望「復活」，又建議男主角張家輝穿比堅尼娛賓！

前晚Janice Man跟貝安琪及馬詩慧等一同出席牛仔褲活動，問到《大追捕》票房大收如何慶祝？JM說：「我知張家輝佢哋個個爭住食飯，我冇所謂，大家開心就得！（着比堅尼娛賓？）或者叫家輝着，相信大家會驚喜啲！」她又自爆近日演的電影全都沒好下場：「最近拍四套戲，次次都要死，希望可以畀我『復活』一次！（媽咪有冇話大吉利是？）次次劇組都會封番封利是畀我，如果佢哋唔記得，我一定會追番！」

提到馬詩慧老公王敏德在新片中時以暴力對待飾演其女的JM，馬詩慧稱老公從未試過體罰仔女：「佢最多打爛死物，唔會打人，試過仔女爭睇DVD，佢成部DVD機掟爛咗！」問到女兒近況？她稱二女在美國讀書，開始談戀愛。至於有否灌輸性知識？她笑說：「佢仲細，學校又嚴，唔會囉！」

張家輝跳海驚死

另一邊廂，張家輝日前偕老婆關詠荷低調入戲院做觀眾欣賞《大追捕》，同場戲迷發現他倆，完場時站起來報以掌聲鼓勵，家輝承諾成績達標再慶功便拿錢出來抽獎。至於《大》片中一幕跳維港的戲份，家輝至今仍然難忘，並笑言當時以為「死梗」。