藝人陳法拉昨日到電台接受訪問，問到今年會否擺酒？她表示未有計劃，但大爆婚禮搞手梁靖琪向她與陳敏之埋手：「佢話我哋第時結婚要搵佢幫手，我都覺得佢做得好。」
盛傳法拉與男友薛世恒早已結婚，問到她是否認為簽字已代表結婚，還是傳統一點要擺酒？她只說：「適當時候先公布，唔使心急，好多Fans都話想睇到我嘅婚禮，令我有少少壓力，自己比較西式，而且親戚喺外國，遲啲再話畀大家知。」她坦言不喜歡講感情事：「唔想講太多，保留少少神秘感！」
法拉保持神秘感，不想多講感情事。
