劉沛蘅跟尾狗鬥搞事貓
有「翻版薛凱琪」之稱的模特兒劉沛蘅（Hillary），家中養了一隻貴婦狗Choco及一隻異國短毛貓Circle。別以為貓狗定必水火不容，Hillary兩隻寶貝相處得非常融洽，她說：「唔好以為狗仔會蝦貓仔！我屋企隻Circle成日撩事鬥非，會無端端走去搞Choco，挑釁佢。」
她笑言Choco有別於一般狗隻，不但不喜歡走路，時常要人抱，而且還非常膽小！故Choco經常息事寧人，只會跟Circle追逐，絕不會找牠晦氣，她續說：「Choco成日自己嚇自己，突然聽到聲會嚇到彈起。佢好怕見到陌生人，上次我帶佢返公司影相，佢驚到一直喺我腳邊行，名副其實嘅跟尾狗！好可愛！」
Circle是Hillary家中的「惡爺」，最愛撩事鬥非。