出爐影后葉德嫻前晚出席新片《桃姐》慶功宴，戴上Van Cleef & Arpels贊助約300萬元首飾的她笑說：「我邊有咁多錢，偷就得！好開心新片票房接近2千萬，唔使蝕！觀眾餓深情片太耐，有咁嘅成績好感恩！（拍前傳？）搵更好嘅演員拍啦！我扮後生好突兀，見好就收！（有信心喺金像獎第6度封后？）平常心！日前我喺亞洲電影大獎攞咗影后，食咗半件朱古力餅，仲飲咗啲白蘭地慶祝！」
葉德嫻數度封后，特別容光煥發。
