Lynn自恃高大嚇走小三

「城嫂」熊黛林前晚於澳門出席活動，身高1米79的她表示，若有小三介入她的感情，絕對不會客氣，實行以正印女友姿態嚇走情敵！

名模熊黛林（Lynn）、周汶錡、Cara G.、Jocelyn、姚予晴及型佬王敏德等前晚於澳門出席RIMOWA旗艦店開幕活動。身為郭富城正印女友的Lynn，被問到若有小三介入怎辦？她說：「女仔要識得保護自己，冇分大婆定係小三，都唔好盲目爭男人！如果係好男人，有老婆就唔會拈花惹草，呢啲男人靠唔住！」她慶幸未曾遇過小三介入，問到曾與城城傳緋聞的王秀琳算不算？她說：「我都未結婚！」

至於若遇到類似情況會怎做？Lynn說：「我會睇男方點做先囉！如果佢好開心，咁我唔使行過去啦！咁易畀人勾得走嘅男人，盞自己提心吊膽！如果個女仔唔走，先係我出馬嘅時候，我諗個女仔會見到我行埋去，我咁高！有家教嘅女仔會走開，否則我唔使同佢客氣！（你會點唔客氣？）我唔會打佢，亦唔會鬧佢！（你嗰個係萬人迷喎？）冇遇過呢種情況！」

王敏德打JM心痛

而王敏德則暢談新片角色，戲中他要打女兒Janice Man（JM）：「我睇到都覺得好唔舒服、好邪惡呀！我驚仔女睇咗會嚇怕，現實中，我唔係一個Devil父親，從來冇打過仔女！」