李曼筠一件頭遮胸被嫌棄

o靚模李曼筠（動漫Maggie）日前到廣東為有線節目《名廚‧鄉土濃情甄文達》拍攝外景，期間還換上泳衣與主持甄文達齊浸溫泉。身穿一件頭的Maggie，33D上圍仍「胸」湧，但甄文達無半點驚喜。甄文達昨日出席宣傳活動時大呻：「我想佢着三點式，但佢就好似披咗三件睡袍咁。」Maggie即撒嬌說：「冇咁誇張，只係得一層薄紗遮住啫！」未知是否為了「賠罪」，Maggie即席餵甄文達飲湯。

談到拍攝趣事，Maggie說：「最特別係食咗水蛇沙律同沙蟲乾，試過捉黃鱔同捉雞，又試過徒手捉蛇。我知道啲蛇冇毒，所以唔怕。」她又指完成十數日拍攝工作後，即肥了數磅返港，難怪近日她不斷嚷着要減肥。

李曼筠着一件頭泳衣被甄文達嫌棄，她昨日餵男方飲湯「賠罪」。