張馨予靜雞雞到賀吳卓羲避席
洪天明的婚禮原本邀請了吳卓羲和緋聞女友張馨予，但二人卻避同場到賀，吳卓羲稱要為無綫新劇《名媛望族》埋尾，而張馨予則於約八時獨自靜悄悄到場，她穿上密實白色長裙，未有展露驕人身材。昨日吳卓羲接受電話訪問時說：「我今晚要幫《名媛望族》開廠，個劇就嚟埋尾，唔通仲請假去飲咩？我已經同天明講咗，佢係圈中人完全明白。（送咩？）最實際梗係送現金，我已經託咗一位圈外朋友送到天明手上。」
另外，昨晚到賀賓客以圈中人為主，包括：郭富城、王敏德、傳聞的薛凱琪黑人緋聞男友、歐陽震華夫婦、傅明憲、陶大宇、郭政鴻、麥長青、呂慧儀和陳百祥夫婦等，麥家琪疑似大肚，鍾嘉欣則穿上透視裝！而剛於本月初雙喜臨門完婚的文頌嫻懷孕三個多月，她穿三吋高跟鞋到場，明顯凸肚，未見老公攙扶，行得穩陣。對於辦喜事再出席朋友婚宴，她以新潮人作風而未有介懷。
吳卓羲因開工無暇到賀，張馨予只好獨自到場。
懷孕三個多月的文頌嫻，不理禁忌到賀。
肚凸凸的麥家琪疑似有喜。
天王郭富城畀面出席。