洪金寶恨湊孫 Order一男兩女

洪天明與周家蔚結婚,新老爺洪金寶開心得滿場飛,他笑言像侍應,更炮製豹紋卷蛋和鍋貼給兒媳做早餐:「佢哋唔得閒食嘢,整畀佢哋食應該嘅!」他笑言當年希望大婆及二奶為生夠一隊足球隊,他則希望天明生一仔兩女:「孫仔、孫女冇所謂,老咗係湊孫,佢哋都唔得閒,等啲孫仔陪我行公園啦!」

對於有指現任妻子高麗虹跟前妻見面時面左左冇偈傾,洪金寶否認:「佢哋有打招呼,一個講廣東話,一個講韓文,有咩講呀?我哋都分開咗幾十年啦!」而天明則說:「都冇乜機會見面,呢啲情況好正常,但冇面左左。媽咪同家蔚成日傾長途電話。」

被洪天明與周家蔚黐實影相,洪金寶甜在心頭!

洪金寶拖着老婆高麗虹盛裝到場。

洪金寶與多名仔女及新抱影全家福。