劉心悠爆與嘉穎互相抄牌
劉心悠昨日宣傳電影時，被問到傳與鄭嘉穎撻着，她急急澄清：「我對佢認識有限！」卻透露有與對方交換電話。
劉心悠昨日到會展宣傳電影《天生愛情狂》，問到被傳與鄭嘉穎在內地拍劇時撻着，單身的心悠反問：「係咩？我唔知！（佢幫你爭取加戲份？）要問番佢喎，我都冇加到戲份！（有冇發展機會？）唔知喎！我對佢認識有限。（拍劇後聯絡？）佢有嚟睇我舞台劇，不過我都邀請咗好多朋友。」坦言與對方有交換聯絡電話的她還笑說：「我同好多演員都有交換，劉松仁都有！」
唔使Chilam介紹
問到同場的張智霖（Chilam）有否恭喜心悠？他笑說：「我都有話介紹男仔畀佢識，佢係咁話唔使，原來已經有！」而緋聞男主角鄭嘉穎接受電話訪問時說：「呢三個月我都忙拍劇，我哋只係喺活動上碰過面，連精神上交往都唔夠時間啦！邊有時間發展？多謝幫我宣傳。」
張智霖偷食蛋糕食得過癮，難為害怕白色物體的心悠嚇餐飽！
鄭嘉穎與劉心悠曾在內地劇集合作。（資料圖片）
心悠提到與嘉穎的緋聞即欲言又止。