前港姐林莉日前在宴會上巧遇偶像奇洛李維斯，即主動埋身親近偶像：「坐喺佢隔籬枱，第一次面對面見到偶像好開心！仲第一次主動上前要求合照，佢好好人，我哋有傾偈。」林莉表示獲奇洛稱讚美麗高貴、有魅力，問到奇洛有否邀請她拍戲時，她說：「只係同佢傾咗幾句，冇傾呢啲，我當然好想同佢合作，如果佢搵我，我自費機票都冇所謂。」林莉自言見到偶像後心情難以平復，徹夜難眠，問到奇洛是否理想男友，她說：「佢係全球女性夢寐以求嘅男士，出名專一又癡心，個個都想做佢女朋友。」
林莉興奮地與偶像奇洛李維斯合照。
