諸葛紫岐婚前拖老公晒愛

今天拉埋天窗的名模諸葛紫岐（Marie）及Neway二太子薛嘉麟，前天手拖手逛街，Marie既要籌備婚禮，又要照顧遠道而來的親戚，令她累得暫忘緊張心情。

今日舉行婚禮的Marie及薛嘉麟，前天把握結婚前夕拍拖逛街，下午五時許，戴黑超、穿白色衫牛仔褲的Marie與穿紅格仔恤衫的薛嘉麟手拖手往錶行看錶。二人甫步入店內，店員即熱情招待，薛嘉麟坐下後試戴了數款腕錶，Marie則耐心陪伴，並不時給予意見。他們於店內逗留約20分鐘仍未有斬獲，之後轉戰時代廣場連卡佛。

本報記者致電Marie，問到未婚夫是否打算送禮物給她？她說：「我哋諗住買情侶錶送畀就快結婚嘅朋友，但仲未揀到。（結婚前心情點？）好攰，因為好多親戚嚟咗，要招呼佢哋，今晚（昨晚）都要同佢哋食飯。但會早啲瞓，因為聽日（今日）要早起。」

呂晶晶做伴娘

Marie又透露伴娘將由亞姐呂晶晶擔任，而Neway旗下歌手關心妍、張智霖夫婦、鄭融、莊冬昕、鄺祖德及新人陳僖儀亦會出席婚禮，至於HotCha及韋雄等歌手會任表演嘉賓。而鄭融準備送上名貴水杯，HotCha表示會送親手畫的畫作，而陳僖儀則送香水。

另外，呂晶晶昨日偕陳啟泰等出席亞視於影視展內的宣傳活動時，談及與Marie因拍旅遊特輯認識。問到可知Marie真名？她表示沒與Marie談過這話題。