感性祖兒向阿澤哭訴

容祖兒、杜汶澤和英皇藝人陳家樂,昨日宣傳英皇電影《DIVA》。身兼電影監製和演員的杜汶澤,指開拍前與祖兒傾談了很多有關工作、感情和辛酸史,談到某些部分她亦哭了出來。問到有否提及與前緋聞男友陳方藤是最Sad,他說:「呢啲係私隱,我唔要淪為冇口德監製。」阿澤指祖兒算是在噓聲中長大的女歌手,相當適合做這個角色:「佢到依家企得住,仲做咗香港最多女歌手獎嘅天后,證明噓聲都可以好健康。」

祖兒則透露已買下價值五位數字的頸鏈,以備有機會踏上影展紅地氈之用,問到是否希望角逐獎項,她謙虛地說:「未至於有提名,事實上自己要求好高,可以再有進步空間。」她透露早前遇到導演阮世生,曾提及開拍電影《神經俠侶》續集,祖兒笑說:「唔知陳奕迅有冇檔期。(搵林峯?)唔係呀?我諗住原班人馬喎!(有新鮮感?)咁做警察佢都OK嘅。」

陳家樂(左起)、容祖兒和杜汶澤,齊宣傳英皇電影《DIVA》。