新劇再變「炮灰」 馬浚偉讚好

前無綫一線小生馬浚偉昨日「回巢」幫忙宣傳新劇,對於劇集安排復活節期間播出,揀賺人仔唔做親生仔的他笑言不介意再做「炮灰」:「小事啦!今次係好檔期!」還自爆獲三公司斟加盟。

昨日與鍾嘉欣、麥長青及蕭正楠等為劇集《當旺爸爸》宣傳的馬浚偉,身為主角但在宣傳片的出鏡率少得可憐,明顯不是「親生仔」之故,但他否認:「唔關事嘅,佢哋叫過我返嚟拍宣傳片好多次,但都度唔到期。」

六位數字酬勞

提到新劇安排在復活節「炮灰檔」出街,他則語帶相關說:「復活節小事啦!之前新年同世界盃我都成日打啦!我好易滿足,畀個包、畀包奶我已經OK,今次係好檔期。」

他現時在內地十分吃香,下月將再開劇,坦言有六位數字酬勞,又透露無綫、城市電訊及now曾斟洽他。談及黃日華最近爆無綫當年僅開出加薪五百元一年的續約條件,問到希望無綫加多少?馬浚偉說:「內地嘅人工已經好滿足,依家希望自由度大啲,傾部頭合約……講真無綫加得幾多?我諗有得加嘅,又唔會五百蚊咁少。」

至於鍾嘉欣今年有四劇出街,似為她鋪路攞獎,她說:「做好自己先,值得攞自然有。(馬浚偉片頭出鏡少?)冇特登去數!公司好公平嘅,同埋啲片有我就有佢,邊Cut到。」

影視組

雖然宣傳片的出鏡率少,但馬浚偉仍落力宣傳新劇,又抱又錫鍾嘉欣!

將離巢的監製梅小青與演員逐一道別,並獲夏雨代表送禮。

麥長青「偷襲」蕭正楠(右)得手,將貼紙貼在「小楠」上。

高海寧密實宣傳,不及鍾嘉欣露腰搶鏡!