杜汶澤獵o靚妹殺錯師奶
電影《高舉‧愛》演員江若琳與杜汶澤前晚到戲院睇優先場，與觀眾直接對話。有人讚阿澤演得好，角色情深義重，相當感人，而江若琳真人靚女，肯為角色增肥30磅，現場觀眾看到阿澤死時都不禁流淚。江若琳與阿澤都有帶母親睇首映，江若琳大爆阿澤小器，竟然呷她醋：「佢阿媽話我靚，仲做得好，佢竟然問佢阿媽做乜唔讚佢？」阿澤說：「我做戲做咗19年，阿媽冇讚一句，好彩老婆嗰日冇嚟！如果佢嚟，一定呷埋一份醋。」江若琳又說：「我同阿媽阿爸去睇首映，阿媽見到阿澤死，佢睇到喊，大讚阿澤演技好，又靚仔，佢已經做咗師奶殺手。」不過阿澤卻不滿意，因他一直進攻「妹」市場，沒想過做師奶殺手。
阿澤與江若琳演技獲讚，開心到爆。