泳兒踩垃圾趴街瘀爆
穿6吋高踭鞋的泳兒，着熱褲露腿出席電台活動，她自爆前日在中環當眾仆倒大出洋相：「好尷尬，又痛又醜。」她指摘缺德的人隨街丟垃圾，令她一落的士便跣低趴街，右手臂撼正欄杆，導致紅腫瘀痛，她笑說：「所以只可以露腿。」
同場的關心妍同樣穿6吋高踭鞋，瘦到身材走樣的她下月拍新碟封套，問到是否性感？她笑說：「太瘦性感唔靚，依家身材明顯差咗！況且之前演唱會嘅尺度已經係極限，再着少啲怕老公唔放過我。」早已不設防的她承認有生仔壓力：「我同老公都盡量唔提，佢仲叫我出去做嘢！唔好坐喺度等生仔，咁樣仲大壓力，我哋要放鬆心情，否則好難有。」
