小冰出街唔眨眼（目及）「仔」

最近本港屢傳有拐子佬，令不少家長聞風喪膽，身為人母的藝人梁小冰及楊羚甚表關注！她們昨日出席新店剪綵禮時，互相交換保護子女心得，家有5歲囝囝的小冰說：「我哋一定親自帶仔返學，我老公好緊張，話出街要拖住個仔，叫我最好連眼都唔好眨，一定要睇實佢！」她表示曾看一個失蹤人口的時事特輯，落後地方常有拐帶事件，令她膽戰心驚！至於楊羚則有一對讀小學的子女：「我哋會一齊睇新聞，即場灌輸家庭教育，教個仔出街一定要拖住妹妹，唔好同陌生人傾偈！」

小冰（左）與楊羚分享保護子女心得。