何超盈逾億投資餐廳

早前有指賭王何鴻燊四房千金何超盈，收到父親送贈的法國餐廳品牌代理作生日禮物，但四太梁安琪代為否認，表示只是投資逾億元搞餐廳，讓女兒學做生意。

賭王四太梁安琪昨晚出席慈善舞會時，被問到超盈是否獲賭王送贈法國餐廳品牌代理作生日禮物？她強調：「絕對冇啲咁嘅事！（咁激動？）老竇送禮物畀個女好平常，但冇啲咁嘅事嘛！」不過，她希望助女兒完成經營生意的夢想，故會投資餐廳：「有畀意見佢。（何生提議開？）佢哋兩父女鍾意食Cake，有時都會講吓。」問到會否替女兒打理生意？她說：「最重要係佢有興趣。（超盈畢業後即結婚？）你要問番佢本人。」

隨時青出於藍

問到超盈有否生意頭腦？四太表示超盈可能青出於藍。問到會否助超盈踏出事業第一步？她說：「佢依家仲細個，都要有自己嘅經驗。（超盈理財能力好唔好？）見人見智啦！（係咪怕講錯嘢個女唔鍾意？）冇，報紙日日都變o架啦！（投資餐廳係咪要使7位數字？）要，計埋代理品牌要過億。」

賭王送「肉嘴」

問到本月生日的四太收到甚麼生日禮物？她坦言忙得連生日也忘記。問到賭王有否送樓？她打趣反問：「咩樓呀？佢會送『肉嘴』！我送畀佢，佢送番畀我。」又笑言仔女乖巧就是給她的驚喜。

另一邊廂，三房千金何超雲日前在微博上載了一張頭髮凌亂、沒精打采的自拍照，並說：「你們看出我心情如何嗎？」似乎滿懷少女心事。